ordo ministrandi communionem infirmorum

SALUTATIO

℣. Pax huic dómui et ómnibus habitántibus in ea.

Tunc, deposito Sacramento super mensam, ipsum cum astantibus adorat.

ASPERSIO

Tunc accepta aqua benedicta, aspergit infirmum et cubiculum, dicens:

Sit hæc aqua suscepti baptísmatis memória et Christum récolat, qui Passione et Resurrectione sua nos redemit.

ACTUS PÆNITENTIALIS

℣. Fratres, agnoscamus peccata nostra, ut apti simus ad hanc sacram celebrationem participandam.

Et fit brevis pausa silentii. Postea omnes simul faciunt confessionem:

Confíteor Deo omnipoténti et vobis, fratres, quia peccávi nimis cogitatióne, verbo, ópere et omissióne: mea culpa, mea culpa, mea máxima culpa. Ideo precor beátam Maríam semper Vírginem, omnes Ángelos et Sanctos, et vos, fratres, oráre pro me ad Dóminum Deum nostrum.

Et sacerdos concludit:

Misereátur nostri omnípotens Deus et, dimíssis peccátis nostris, perdúcat nos ad vitam æternam.

℟. Amen.

LÉCTIO S. SCRIPTURÆ

Legi potest a sacerdote textus Sacræ Scripturæ, v.g.

Léctio sancti Evangélii secúndum Ioánnem. Ego sum panis vivus, qui de cælo descendi. Si quis manducáverit ex hoc pane, vivet in æternum; panis autem, quem ego dabo, caro mea est pro mundi vita. Verbum Dómini.

ORÁTIO DÓMINICA

Tunc sacerdos his vel similibus verbis recitationem orátionis dóminicæ introducit:

Nunc autem una simul Deum deprecémur, sicut Dóminus noster Iesus Christus nos dócuit oráre.

et omnes simul pergunt:

Pater noster...

COMMUNIO

Tunc sacerdos ostendit Ss.mum Sacramentum, dicens:

℣. Ecce Agnus Dei, ecce qui tollit peccata mundi. Beati qui ad cenam Agni vocati sunt.

℟. Dómine, non sum dignus ut intres sub tectum meum: sed tantum dic verbo, et sanábitur ánima mea.

℣. Corpus Christi.

℟. Amen.

Distributionis Communionis expleta, minister de more purificationem peragit. Tunc pro opportunitate sacrum silentium per aliquod temporis spatium servari potest.

O sacrum convívium, in quo Christus súmitur, recólitur memória passionis eius, mens impletur grátia, et futuræ glóriæ nobis pignus datur (T.P. Alleluia). Panem de cælo præstitísti eis (T.P. Alleluia). Omne delectamentum in se habentem (T.P. Alleluia.)

Deinde sacerdos dicit orátionem conclusivam:

Oremus. Dómine, sancte Pater, omnípotens æterne Deus te fidenter deprecamur, ut sacrosanctum Corpus Dómini nostri Iesu Christi Fílii tui, accipienti fratri nostro (sorori nostræ) tam córpori quam ánimæ prosit ad remédium sempiternum. Per Christum Dóminum nostrum.

℟. Amen.

RITUS CONCLUSIONIS Benedíctio

Deinde infirmo et astantibus benedicit, vel super ipsos signum crucis faciendo (silentio) cum pyxide, si Sacramentum superfuerit, vel formula sequens usurpando:

℣. Benedíctio Dei Omnipoténtis, Patris, et Fílii, + et Spíritus Sancti, descéndat super vos et máneat semper.

℟. R. Amen.