oratio s. augustini

Dómine Iesu, nóverim me, nóverim te, Nec áliquid cúpiam nisi te. Óderim me et amem te. Ómnia agam propter te. Humíliem me, exáltem te. Nihil cógitem nisi te. Mortíficem me et vivam in te. Quæcúmque evéniant accípiam a te. Pérsequar me, sequar te, Sempérque optem sequi te. Fúgiam me, confúgiam ad te, Ut mérear deféndi a te. Tímeam mihi, tímeam te, Et sim inter eléctos a te. Diffídam mihi, fidam in te. Obœdíre velim propter te. Ad nihil affíciar nisi ad te, Et pauper sim propter te. Áspice me, ut dilígam te. Voca me, ut vídeam te, Et in ætérnum fruar te. Amen.