preces ad s. ioseph
O felícem virum, beátum Ioseph, cui datum est, Deum, quem multi reges voluérunt vidére et non vidérunt, audíre et non audiérunt, non solum vidére et audíre, sed portáre, deosculári, vestíre et custodíre!
℣. Ora pro nobis, beáte Ioseph.
℟. Ut digni efficiámur promissiónibus Christi.
Orémus.
Deus, qui dedísti nobis regale sacerdótium, præsta, quaésumus, ut sicut beátus Ioseph unigénitum Fílium tuum, natum ex María Vírgine, suis mánibus reverénter tractáre méruit et portáre, ita nos fácias cum cordis mundítia et óperis innocéntia tuis sanctis altáribus deservíre, ut sacrosánctum Fílii tui Corpus et Sánguinem hódie digne sumámus, et in futuro saéculo praémium habére mereámur ætérnum.
Per eúndem Christum Dóminum nostrum. Amen
--------------------------